'O Trattato 'e Casalanza fuje stipulato int'ô 20 maggio 1815 a Pastorano, azzicco a Capua (Terra 'e Lavoro), nfra ll’esercito austriaco e chello napulitano 'e Gioacchino Murat, rre 'e Napule (e cugnato 'e Napulione Bonaparte), vattuto int'â battaglia 'e Tolentino. Ô trattato punette fine a ll'epuca napulioneca d'ô regno, ca fuje restetuito da ll'imperatore Francesco I d'Asburgo a ll'alliato Ferdinando IV di Borbone. Â cummenzione fuje firmata, p'ê napulitane, da Pietro Colletta, pleniputenziario r'ô generale Michele Carrascosa e pe ll'austriace da Adam Albert von Neipperg, pleniputenziario r'ô generale Federico Bianchi e da ll'ingrese lord Burghersh, menisto pleniputenziario d'ô Regno Aunito int'â corte 'e Tuscana.
A ll'alliate fujeno cunzignate tutt'e ll'arsinale e 'e piazzeforte d'ô regno, cu ll'ecceziune 'e Gaeta, Pescara e Ancona, ninch'â curona d'ô regno 'e Napule turnava a Ferdinando IV, ca ll'8 'e decembre 1816 decerette 'e se chiammà Ferdinando I d''e Ddoje Sicilie.